Impulserhaltungssatz

Tuot varà cumanzà üna jada cun ün unic impuls gigantic.

Quist impulsun ha bastü per metter in movimaint üna chadaina d’impuls infinita, chi ha dürà millieras dad ons e chi gira amo adüna tras l’univers.

Davo cha quel impuls as vaiva miss in viadi, nu d’eira nempè nüglia plü co chi d’eira avant.

Quist impulsun es dvantà üna schurma impulsins ed impulsets, chi s’han separats e darcheu inscuntrats, e chi van sulets o in gruppinas tras il muond ed il temp.

Minchatant fa ün impuls üna posina, resta salda ün mumaint, e va lura darcheu inavant.

Minchatant dà ün impuls aint sco üna sajetta.

E suvent s’inscuntran impuls e fuorman insembel ün nouv impuls chi’d es plü grond sco la summa dals singuls impulsets.

Tuot quists process nu’s laschan preverer, i capitan per cas e sainza sistem.

L’unic chi’s sa da dir cun sgürezza, es, chi darà adüna impuls.

Giuvens, vegls, da quels da seguonda man, ferms e debels, culurits, müts, misterius.

Quai es determinà tras il „Impulserhaltungssatz“.