I cumainza adüna tuot innozaint.
„E lura, co vaja“
„Mo, hei hei, tuot bainet. E cun tai?“
„Schi schi, tuot in uorden“
La conversaziun va inavant e dvainta vi e plü profuonda. I’s quinta dals viadis chi’s ha fat dürant las vacanzas. I’s dumonda co chi va a la famiglia, che chi fan ils abiadis, e co chi va cul giat. I’s rögna dals collegas da lavur e dals vaschins.
Ün batterdögl plü tard, as filosofescha sur da la società ed il müdamaint dal clima. I’s analisescha nouvs trends da moda ed ils resultats da la chatscha da quist on. I’s fa politica e filosofescha dafatta sur da la filosofia.
Tuot in tuot, ün grond barat d’infuormaziuns. Quai es la terminologia moderna per „Klatsch und Tratsch“.
Ed a la fin vegn il quint. Pel solit passa tschient francs.
Guot, i’s ha schon tschüf eir amo üna nouva frisura, e minchatant dafatta amo ün cafe, sper tuot tschai.
ElBerndo scriva 